"Valensiya" futbolchisi "Milan"ga o'tishga yaqin turibdi

"Valensiya" yarim himoyachisi Yunus Musa faoliyatini "Milan"da davom ettiradi, deb xabar bermoqda Football Espana nashri.

Manbaga ko'ra, Italiya klubi 20 yoshli futbolchi bilan shaxsiy shartnomasi shartlarini kelishib olgan. Qayd etilishicha, transfer summasi 18 million evroni tashkil qiladi.

O'tgan mavsumda Musa "Valensiya" safida 37 ta o'yinda maydonga tushib, 2 ta golli uzatmaga mualliflik qilgan. Transfermarkt portali AQSh terma jamoasi futbolchisini 18 million evroga baholamoqda.

Eslatib o'tamiz, Italiya chempionatining yangi mavsumi avgust oyida boshlanadi. "Milan" o'tgan mavsumni A Seriya turnir jadvalida to'rtinchi o'rinda yakunladi va Chempionlar ligasi yo'llanmasini qo'lga kiritdi.