"Tottenxem" isroillik futbolchining transferini rasmiylashtirdi

Isroillik yarim himoyachi Manor Solomon Ukrainaning “Shaxtyor” klubini tark etdi va faoliyatini Angliya Premer-ligasida davom ettiradi.

Fabritsio Romanoning ijtimoiy tarmoqlar orqali xabar berishicha, Londonning "Tottenxem" klubi futbolchining yangi klubiga aylandi.

Solomon "shporlar" uchun tibbiy ko'rikdan muvaffaqiyatli o'tdi va shartnoma imzoladi. Kun yakuniga qadar London klubi kelishuvni rasman e'lon qilishi kerak.

23 yoshli yarim himoyachi o'tgan mavsumda "Fulxem"da ijara asosida o'ynadi. Yarim himoyachi Angliya chempionatining 19 ta uchrashuvida qatnashib, 4 ta gol urishga erishdi.