Sarri tozalov ishlarini boshladi

Turinning “Yuventus” klubi yozgi transferlar vaqtida yarim himoyachi Sami Xedirani sotib yuborishni rejalashtirmoqda.

Goal.com saytining xabar berishicha germaniyalik futbolchini sotishni rahbariyatga bosh murabbiy Mauritsio Sarri taklif qilgan. Murabbiy 32 yoshli futbolchi uning uslubiga to'g'ri kelmasligini ma'lum qilgan.

Ayni damda Xediraning xizmatiga Turkiyaning “Beshiktosh” jamoasi qiziqish bildirmoqda. Uning “Yuve” bilan tuzgan shartnomasi 2021 yilgacha mo'ljallangan.

Ma'lumot o'rnida, Xedira turinliklar safida 2015 yildan beri o'ynaydi. Shu vaqt ichida u 127 ta o'yinda maydonga tushib, 21 ta gol va 13 ta golga assisentlik qildi.