"Al-Hilol" hamon Lukakudan umidini uzmagan

Saudiya Arabistonining "Al-Hilol" klubi Romelu Lukakuni sotib olishdan umidvor.

Belgiyalik jurnalist Sasha Tavolerining xabar berishicha, hujumchiga 3 yillik shartnoma taklif qilingan, unga ko'ra Lukaku birinchi yilda 35 million dollar (deyarli 32 million evro) olishi mumkin. Umuman olganda, uch yillik shartnoma davomida Romelu 90 million dollar (taxminan 80 million evro) ishlab olishi mumkin bo'ladi.

Ayni damda faqat "Al-Hilol" "Chelsi"ga kerakli 40 million evroni to'lashga tayyor.

Lukaku Evropada qolishni istaydi va "Chelsi" "Inter" bilan transfer borasida kelishuvga erisha olishiga umid qilmoqda, biroq Saudiya Arabistoni taklifi unga pauza berdi.

O'tgan mavsumda "Inter"ga ijaraga berilgan Lukaku barcha musobaqalarda 1988 daqiqa maydonda 37 o'yinda 14 ta gol urdi va 7 ta golli uzatmani amalga oshirdi.