"Chelsi" ikki nafar hujumchiga ko'z tikmoqda

"Chelsi" yozgi transfer oynasida hujum chizig'ini kuchaytirmoqchi. Frantsiyaning "Monpele" hujumchisi Elyu Vaxi va "Yuventus" forvardi Dushan Vlaxovichlar London klubining ro'yxatidan joy olishdi, deb xabar bermoqda Evening Standard.

20 yoshli Vaxi Transfermarkt tomonidan 35 million evroga baholangan. 2022/2023 yilgi mavsumda frantsiyalik futbolchi 33 uchrashuvda 19 ta gol urdi va 6 ta golli uzatmani amalga oshirdi.

23 yoshli Vlaxovich o'z navbatida 70 million evroga baholanmoqda. O'tgan mavsumda serbiyalik futbolchi 42 o'yinda 14 gol va 4 golga assistentlik qilgan.

Eslatib o'tamiz, Maurisio Pochettino yaqinda "Chelsi" bosh murabbiyiga aylandi.