Turin klubi rossiyalik futbolchi bilan muzokaralarni tikladi

"Torino" "Atalanta" yarim himoyachisi Aleksey Miranchuk va "Vest Xem" futbolchisi Nikola Vlashichni sotib olish bo'yicha muzokaralarni qayta boshladi. Bu haqda jurnalist Orazio Acciomando xabar berdi.

Eslatib o'tamiz, Vlashich va Miranchuk o'tgan mavsumni "Torino"da ijara asosida o'tkazishgan.

Manbaga ko'ra, futbolchilarning qaytishidan turinliklar bosh murabbiyi Ivan Yurichning shaxsan o'zi manfaatdor. Qayd etilishicha, Miranchuk va Vlashich ham “Torino”da qolishni istashmoqda.

27 yoshli Miranchuk o'tgan mavsumda turinliklar safida 31 ta o'yinda maydonga tushib, 4 ta gol urdi va 6 ta golli uzatmani amalga oshirdi. Transfermarkt portali Rossiya terma jamoasi futbolchisini 12 million evroga baholamoqda.

25 yoshli Vlashich 37 o'yinda 5 gol va 8 golga assistentlik qilgan. Hozirda xorvatning bozor narxi 17 million evroni tashkil qilmoqda.