Frantsiyalik futbolchi bugun "Borussiya" uchun tibbiy ko'rikdan o'tadi

Frantsiyaning "Brest" klubi yarim himoyachisi Frank Onora Menxengladbaxning "Borussiya" jamoasiga o'tishga yaqin turibdi, deya xabar bermoqda Fabritsio Romano.

Manbaga ko'ra, 26 yoshli frantsiyalik futbolchi 10 iyul kuni tibbiy ko'rikdan o'tishi rejalashtirilgan. Transferning taxminiy summasi 10 million evroni tashkil qiladi.

Onora 2020 yildan beri "Brest"da o'ynab kelmoqda. 2022/23 yilgi mavsumda u jamoa safida barcha musobaqalarda 35 ta o'yinda maydonga tushib, 6 ta gol urdi va 6 ta golli uzatmani amalga oshirdi.