Lorisning xizmatlari bir nechta klublarga taklif qilindi

Londonning "Tottenxem" klubining frantsiyalik darvozaboni Ugo Loris faoliyatini davom ettirish variantlari ma'lum bo'ldi. Bu haqda Sports Zone nashri xabar bermoqda.

Manba bergan xabarga ko'ra, darvozabonning xizmatlari Frantsiyaning "PSJ" va Milanning "Inter" klublariga taklif qilingan. Shuningdek, hozir Lorisda faoliyatini davom ettirish uchun faqat aniq variant bor - Saudiyaning "Ash-Shabab" klubi. Darvozabon saudiyaliklarning rasmiy taklifiga hozircha javob qaytargani yo'q. Lorisga nomi oshkor etilmagan ingliz klubi ham qiziqish bildirmoqda.

36 yoshli Lorisning "Tottenxem" bilan shartnomasi yana bir mavsumga mo'ljallangan. Darvozabon London klubida 2012 yildan buyon o'ynab kelmoqda. Transfermarkt portali 3 million evroga baholagan.

"Tottenxem" tarkibida 11 yil davomida Loris birorta sovrin yuta olmadi.