"Barselona" Gyulerni sotib olishga yaqin kelmagan

Turkiyaning "Fenerbaxche" yarim himoyachisi Arda Gyuler kuni kecha "Real Madrid" jamoasi bilan shartnoma imzoladi.

Avvalroq, matbuotda "Barselona" Gyuler bilan shartnoma imzolashga yaqin turgani, biroq yakunda "Real" futbolchini "ilib" ketgani haqida xabar tarqalgandi.

Marca nashrining yozishicha, Gyuler uchun "Borussiya", "Milan" va "Ayaks" klublari rasmiy taklif yuborishgan. "Barselona" esa og'zaki qiziqish bildirgan. Yakunda turkiyalik iste'dodli futbolchi "Real"ni tanladi.

"Real" turkiyalik yarim himoyachini 20+10 million evro evaziga sotib oldi.