"Bavariya" Uokerni qo'lga kiritishga ishonmoqda

"Bavariya" "Manchester Siti"ning o'ng qanot himoyachisi Kayl Uokerni qo'lga kiritishiga ishonmoqda.

Bild nashrining xabariga ko'ra, angliyalik futbolchi transferga hali yakuniy rozilik bergani yo'q, ammo "qizil mashina" hamon transferga ishonch bildirmoqda.

Manbaning ta'kidlashicha, "Bavariya" yaqin orada Uokerdan yakuniy javobni eshitishni kutmoqda. Agar Kayl rozi bo'lsa, "Bavariya" "Manchester Siti" bilan tovon puli miqdorini muhokama qilishni boshlaydi.

Eslatib o'tamiz, "Bavariya" Uokerga yana bir yilga uzaytirish imkoniyati bilan ikki yillik shartnoma taklif qilmoqda. Bosh murabbiy Tomas Tuxel ushbu transferning tashabbuskori sanaladi.