"Chelsi" va "Milan" Pulishich borasida to'liq kelishuvga erishdi

"Milan" Londonning "Chelsi" klubi bilan Kristian Pulishich transferi bo'yicha to'liq kelishuvga erishdi.

Jurnalist Daniel Longoning so'zlariga ko'ra, klublar o'zaro kelishuvning barcha shartlarini kelishib olishgan.

Avvalroq, "Milan" Pulishich uchun 20 million evro to'lashi xabar qilingandi. Futbolchining o'zi Stefano Pioli jamoasiga o'tishni afzal ko'rdi.

Pulishich so'nggi yillarda "Chelsi"da barqaror o'yin ko'rsata olmadi. Angliya Premer-ligasining so'nggi mavsumida 24 yoshli amerikalik futbolchi bitta gol va bitta golli uzatmaga mualliflik qildi.