Blind La Ligaga ko'chib o'tmoqda

Myunxenning "Bavariya" klubini tark etgan 33 yoshli niderlandiyalik himoyachi Deyli Blind Ispaniya chempionatida o'ynash imkoniyatiga ega. Bu haqda insayder Fabritsio Romano ijtimoiy tarmoqlar orqali ma'lum qildi.

Insayderning malum qilishicha, "Jirona" tajribali futbolchining xizmatlariga qiziqish bildirmoqda. Ispaniya klubi hozirda erkin agent bo'lgan Blind bilan shartnoma imzolashga tayyor. Yaqin kunlarda Deyli tibbiy ko'rikdan o'tadi va shartnoma imzolaydi.

Himoyachi o'tgan mavsumni "Ayaks"da boshlagan va qishki transfer oynasida "Bavariya"ga o'tgandi. Myunxenliklar tarkibida u Bundesligada to'rtta o'yin o'tkazgan.