«Barselona» Neymar oldiga 3ta shart qo'ydi
/ Kiritdi: BestMaster Ko'rilgan: 1441
"Barselona" Neymar oldiga 3ta shart qo'ydi. Braziliyalik futbolchi bu shartlarga rozi bo'lsa, kataloniyaliklar uni "Kamp Nou"ga qaytarishadi. Bu haqda Sport.es xabar tarqatdi.
Birinchidan, Neymar "PSJ"da olayotgan maoshiga nisbatan kamroq maoshga rozi bo'lishi kerak.
Ikkinchidan, futbolchi "ko'k-anorranglilar" ustidan sudga kiritgan shikoyatini qaytarib olishi lozim. Neymar "PSJ"ga o'tib ketishdan avval "Barsa" bilan yangi shartnoma imzolagani uchun 26 mln evro miqdorida mukofot puli olishi lozim edi. Tomonlar o'rtasidagi mazkur mojaro shu paytgacha davom etib kelyapti.
Uchinchidan, Neymar "Barselona"ga qaytish niyati borligini omma oldida ma'lum qilishi lozim.
UOL Esporte tarqatgan xabarga ko'ra, Neymar bu shartlarga rozi bo'ldi.
"Barselona" esa futbolchining transferi borasida "PSJ" bilan kelishuvga erishishi lozim. Parijliklar uni 222 mln evrodan kamiga sotmoqchi emas.
Bosh sahifaga
309