«Uotford» «Napoli»ga Deulofeuning narxini aytdi

“Napoli” bosh murabbiyi Karlo Anchelotti “Uotford” vingeri Jerar Deulofeuni o'z jamoasida ko'rmoqchi.

Calciomercato nashrining xabariga ko'ra, jamoalar futbolchining transferi narxi borasida kelisha olishmayapti. “Uotford” futbolchisi uchun 30 million evro so'ramoqda, ammo neapolliklar bunday narxni to'lashmoqchi emas.

Eslatib o'tamiz, 25 yoshli futbolchining klubi bilan amaldagi shartnomasi 2023 yilgacha mo'ljallangan.