"Spartak" Ziesh bilan shartnoma imzolashdan bosh tortdi

"Chelsi" yarim himoyachisi Hakim Ziesh "Spartak"ga o'tishi mumkin edi.

Metaratings nashri xabariga ko'ra, marokashlik futbolchining vakillari o'z mijozining xizmatlarini Moskva klubiga taklif qilishgan va uning uchun har xil bonuslarni hisobga olmaganda, mavsum uchun 5 million evro maosh so'ragan. Biroq bunday shartlar "Spartak"ga to'g'ri kelmadi, shu bois "qizil-oqlar" futbolchi bilan shartnoma imzolashdan bosh tortdi. Shuningdek, “Spartak” rahbariyati Zieshning tizzasidagi muammolarga ham e'tibor qaratdi.

Eslatib o'tamiz, Ziesh 2020 yilning yozida "Ayaks"dan "Chelsi"ga o'tgan edi. 30 yoshli futbolchining London klubi bilan amaldagi shartnomasi 2025 yilning yoziga qadar mo'ljallangan. Transfermarkt portali Marokash terma jamoasi futbolchisini 16 million evroga baholamoqda.

O'tgan mavsumda Ziesh “Chelsi” safida 24 ta o'yinda maydonga tushib, 3 ta golli uzatmani amalga oshirgan.