"Vilyarreal" "Tottenxem" himoyachisiga ko'z tikmoqda

Moskvaning "Spartak" klubi qiziqish bildirayotgan Londonning "Tottenxem" klubi himoyachisi Davinson Sanches Ispaniya chempionatiga yo'l olishi mumkin.

Mundo Deportivo nashri xabar berishicha, 27 yoshli kolumbiyalik futbolchining xizmatlariga "Vilyarreal" qiziqish bildirmoqda. "Sariq suv osti kemasi" Sanchesni "Aston Villa" bilan shartnoma imzolash arafasida turgan Pau Torresga muqobil variant sifatida ko'rib chiqmoqda.

Davinson 2017 yilning yozidan buyon “Tottenxem” safida o'ynab kelmoqda. Futbolchi va "shporlar" o'rtasidagi amaldagi shartnoma kelasi yili tugaydi.

O'tgan mavsumda Sanches Premer-ligada 18 ta o'yinda maydonga tushib, bitta sariq kartochka oldi.