Saudiyaliklar "Latsio" futbolchisiga yiliga 20 million evro maosh taklif qilishdi

"Latsio" yarim himoyachisi Sergey Milinkovich-Savich faoliyatini Saudiya Arabistonida davom ettirishi mumkin.

Jurnalist Nikolo Skiraning xabar berishicha, mahalliy klublardan biri serbiyalik futbolchiga yiliga 20 million evro maosh taklif qilmoqda.

Biroq manbaning aniqlik kiritishicha, Milinkovich-Savich hozircha Saudiya Arabistoniga ko'chib o'tish tarafdori emas. 28 yoshli futbolchi hozircha Evropada qolmoqchi.

Milinkovich-Savichning "Latsio" bilan shartnomasi tugashiga bir yil qoldi, ammo futbolchi tez orada boshqa klubga o'tishni istamoqda. Futbolchiga Turinning “Yuventus” klubi qiziqayotgan edi, ammo “keksa sinora” hozircha hech qanday taklif bilan chiqqani yo'q.