"Arsenal" 40 million evroli transferni amalga oshirishga yaqin turibdi

"Arsenal" himoyachi Yurren Timber bilan shartnoma imzolash bo'yicha to'liq kelishuvga erishdi.

22 yoshli niderlandiyalik futbolchining transferi uchun "kanonirlar" "Ayaks"ga 40 million evro to'laydi. Yana 5 million evro bonus sifatida shartnomaga kiritilgan va ularga osonlik bilan erishish mumkinligi aytilmoqda.

Ta'kidlash joizki, Timber hali tibbiy ko'rikdan o'tmagan.

Avvalroq, mish-mishlar Yurren Timberni Angliya Premer-ligasining yana bir giganti bilan - "Manchester Yunayted" bilan faol ravishda bog'lagan edi. Futbolchi hatto “qizil iblislar” “Manchester Siti”ga qarshi o'ynagan mamlakat kubogining so'nggi finalida ham ko'zga tashlangandi.