"Leyptsig" "Chelsi"ga sotgan hujumchisi o'rniga boshqa futbolchi topdi

Germaniyaning "Leyptsig" klubi Londonning "Chelsi" klubiga o'tgan Kristofer Nkunku o'rniga hujumchi izlashda davom etmoqda.

Jurnalist Santi Auna xabariga ko'ra, "Leyptsig" "Lans" hujumchisi Lui Openda uchun to'rtinchi transfer taklifini yuborgan.

Manbaga ko'ra, "Leyptsig"ning taklifi 43 million evroga etgan. "Lans" ma'lum miqdorni bonuslar ko'rinishida ham olishi mumkin, ammo aniq raqamlar va tafsilotlar noma'lumligicha qolmoqda.

Eslatib o'tamiz, Openda "Lans" uchun Frantsiya chempionatida bir mavsum o'tkazgan va u erda 38 uchrashuvda 21 gol urgan.