"Yuventus"ning transfer rejalari Keza va Vlaxovichning taqdiriga bog'liq

Turinning "Yuventus" klubi hozirda cheklangan transfer byudjetiga ega, ammo tez orada vaziyat o'zgarishi mumkin.

Jurnalist Janluka di Martsioning fikricha, hujumchilar Dushan Vlaxovich va Federiko Keza sotilgan taqdirda, “keksa sinora” tarkibni kuchaytirish uchun katta mablag'ga ega bo'ladi.

Eslatib o'tamiz, Vlaxovich uchun "Yuventus" taxminan 80 million evro, Keza uchun esa taxminan 40 million evro talab qilmoqda. Shu bilan birga, Federikoning shartnomasi ikki yildan keyin tugaydi. Rahbariyat avvalroq italiyalik futbolchiga ultimatum qo'ygandi: u yo yangi shartnoma imzolashi yoki boshqa jamoaga o'tishi kerak.

Angliya Premer-ligasi jamoalari avvalroq Vlaxovich va Kezaga jiddiy qiziqish bildirishgan.