"Inter" A Seriyaning boshqa klubidan yarim himoyachi olmoqchi

Milanning "Inter" klubi yaqinda "Udineze"ni tekinga tark etgan yarim himoyachi Roberto Pereyrani kuchaytirmoqchi. Jurnalist Nikolo Skiraning xabar berishicha, "neradzurrilar" argentinalik futbolchiga ikki yillik shartnoma taklif qilgan.

Pereyra transfer bozorida bepul, bu 32 yoshli yarim himoyachini "Inter" uchun juda jozibali variantga aylantiradi. Eslatib o'tamiz, argentinalik futbolchi avval Turinning “Yuventus” va Angliyaning “Uotford” klublarida ham o'ynagan.

O'tgan mavsumda Pereyra A Seriyada "Udineze" safida 5 ta gol urdi va 7 ta golli uzatmani amalga oshirdi.