"Benfika" di Mariyani o'z safiga qo'shib olishga yaqin turibdi

Lissabonning "Benfika" klubi yaqinda Turinda "Yuventus"ni tark etib, erkin agentga aylangan yarim himoyachi Anxel di Mariya bilan shartnoma imzolaydi. Jurnalist Fabritsio Romanoning yozishicha, tomonlar transferning barcha shartlarini kelishib olgan.

Manba bergan xabarga ko'ra, "Benfika" ayni damda Di Mariya transferini rasman e'lon qilishga va futbolchining taqdimot marosimini o'tkazishga hozirlik ko'rmoqda. Eslatib o'tamiz, Anxel 2010 yilning yozida "Real"ga o'tgunga qadar Lissabon klubida o'ynagan edi.

Di Mariya o'tgan mavsumda "Yuventus" safida A Seriyada 4 ta gol va 4 ta golli uzatmani amalga oshirdi.