"Lester" futbolchisiga APLning to'rtta klubi qiziqish bildirmoqda

Angliya Premer-ligasining to'rtta klubi o'tgan mavsumda jamoasi Chempionshipga tushib ketgan "Lester" vingeri Xarvi Barnsni qabul qilishga tayyor.

Leicestershire Live nashri ma'lumotlariga ko'ra, Londonning "Vest Xem" va "Tottenxem", shuningdek, "Aston Villa" va "Nyukasl" kabi jamoalar Barnsni o'z safiga qo'shib olmoqchi.

Barns "Lester"ni tark etishga tayyor, chunki u APLda o'ynashni davom ettirmoqchi. Oldinroq “tulkilar” o'z futbolchisi uchun taxminan 50 million evro talab qilishlari xabar qilingandi.

Angliya Premer-ligasining so'nggi mavsumida Barns 13 ta gol urdi va "Lester"ning eng yaxshi to'purari bo'ldi.