"Chelsi" Kaysedo uchun 100 million evroga yaqin mablag' taklif qildi

"Chelsi" "Brayton" yarim himoyachisi Moyses Kaysedo uchun taklif bilan chiqdi. Jurnalist Diego Arkosning so'zlariga ko'ra, “ko'klar” “chayqalar”ga bonuslar bilan birga taxminan 100 million evro taklif qilgan.

Manbaga ko'ra, ayni damda klublar o'zaro to'lov shartlari va kelishuvning batafsil tuzilishini kelishib olishmoqda. Moysesning o'zi "Chelsi" bilan shaxsiy shartlar bo'yicha kelishib olgan.

Eslatib o'tamiz, Kaysedo "Chelsi" uchun tayanch yarim himoyachi pozitsiyasini mustahkamlash uchun ustuvor nomzod hisoblanadi. Ayni damda “ko'klar” ekvadorlik yarim himoyachi uchun kurashda peshqadamlik qilmoqda.