"Chelsi" o'z futbolchisini ijaraga berishga qaror qildi

Londonning "Chelsi" klubi rahbariyati yarim himoyachi Andre Santosni Angliya Premer-ligasida o'ynashga tayyor emas deb hisoblamoqda. Record Portugal nashri xabariga ko'ra, "ko'klar" futbolchini ijaraga berishga qaror qilgan.

Manbaning aytishicha, "Portu" braziliyalik futbolchini ijaraga olmoqchi. Eslatib o'tamiz, Andre qishda bo'lib o'tgan Amerika Kubogining yoshlar to'purari bo'ldi.

Yanvar oyida Santosga Buyuk Britaniyada ishlash uchun ruxsatnoma berilmagan, ammo "Chelsi" bu masalani allaqachon hal qilgan. Ayni damda Andre Maurisio Pochettino jamoasi bilan mashg'ulot o'tkazmoqda.