"Bavariya" gruziyalik darvozabon uchun kurashga qo'shildi

Ispaniyaning “Valensiya” klubi darvozaboni Giorgi Mamardashvili “Bavariya”ning transferlari ro'yxatidan joy oldi.

Myunxen grandi 22 yoshli gruziyalik posbonga qiziqayotgan klublar ro'yxatiga kirdi, deb yozmoqda insayder Fabritsio Romano ijtimoiy tarmoqlarda.

Qayd etilishicha, “Bavariya” uchun boshqa nomzodlar ustuvor, biroq ro'yxatda Mamardashvili bor.

Avvalroq Mamardashvilini “Inter”, “Chelsi”, “Tottenxem” va boshqa bir qancha nomdor klublar bilan bog'lagan mish-mishlar tarqalgan edi.

Transfermarkt portali Giorgiy Mamardashvilini 25 million evroga baholamoqda.