"Atletiko" Morataga narx belgiladi, unga "Milan" xaridor

Hujumchi Alvaro Morata yaqin kelajakda Italiya futboliga qaytishi mumkin. Relevo nashri xabariga ko'ra, "Milan" hujumchini o'z safida ko'rmoqchi.

Manbaga ko'ra, Alvaro Morata vakili bo'lgan agent Xuanma Lopes bir haftadan beri "Milan" bilan to'g'ridan-to'g'ri muzokaralar olib bormoqda. "Atletiko" 30 yoshli hujumchining transferi uchun 20 million evro talab qilmoqda.

2022/2023 yilgi mavsumda Alvaro Morata "Atletiko Madrid" safida turli musobaqalarda 45 ta o'yin o'tkazdi. Ularda hujumchi 15 ta gol va sheriklariga 3 ta samarali uzatma berdi.