"Nyukasl" "Chelsi" himoyachisi uchun 35 million evro to'lashga tayyor

"Chelsi" himoyachisi Mark Kukurelya yozgi transfer oynasida jamoasini o'zgartirishi mumkin.

Jurnalist Feliks Jonstonning ijtimoiy tarmoqlarda yozishicha, “Nyukasl” ispaniyalik futbolchi bilan shartnoma imzolashi mumkin. Aytilishicha, "qarg'alar" London klubiga 24 yoshli Kukurelya uchun 25-30 million funt (taxminan 30-35 million evro) to'lashga tayyor ekanliklarini bildirishgan.

Qayd etilishicha, Kukurelyaga “Atletiko” ham qiziqish bildirgan, biroq aniqlik kiritilmagan.

Mark Kukurelya o'tgan yilning avgust oyidan beri "Chelsi"da o'ynamoqda. London klubi safida ispaniyalik futbolchi 33 ta o'yinda maydonga tushib, ikkita golli uzatmani amalga oshirgan.