"Liverpul" yarim himoyachisi uchun takliflarni tinglaydi

"Liverpul" o'z futbolchisi uchun takliflarni tinglashga tayyor. Xabarlarga ko'ra, mersisaydliklar yarim himoyachisi Tiagu Alkantara jamoadan ketishi mumkin.

Bu haqida Sky Sports ma'lum qildi. Yurgen Klopp kamida yana bitta yangi yarim himoyachi sotib olishini aytgan. Bu uchun esa joy bo'shatish kerak. Alkantara keraksiz vakillardan biri sifatida ko'rilgan.

Ispaniya terma jamoasi a'zosiga Saudiya klublari qiziqish bildirgan edi. U yaqindagina Instagram sahifasidan "Liverpul"ga bog'liq yozuvlarni olib tashlagandi.