Uolkott Angliyaning uchinchi divizionida o'ynayotgan jamoaga o'tishi mumkin

Reading Today nashri xabariga ko'ra, "Reding" klubi vinger Teo Uolkott bilan shartnoma imzolashga yaqin turibdi.

Futbolchi hozirda erkin agent maqomida "Reding" bilan shug'ullanmoqda. Uolkott o'tgan mavsumda "Sautgempton"ni boshqargan Selles bilan yana birga ishlashi mumkin.

Uolkott 2020 yil sentyabr oyidan buyon "avliyolar" safida o'ynab kelayotgandi. O'tgan mavsumda u 24 ta o'yinda 2 ta gol urdi va 2 ta golli uzatmani amalga oshirdi.

"Reding" o'tgan mavsum Chempionshipda 22-o'rinni egallab, Angliyaning uchinchi divizioniga tushib ketdi.