"Bavariya" ham Tyuram uchun kurashga qo'shildi

"Nitstsa"ning 22 yoshli yarim himoyachisi Kefren Tyuram faoliyatini "Bavariya"da davom ettirishi mumkin, deya xabar bermoqda Foot Mercato nashri.

Manbaning xabariga ko'ra, nemis klubi allaqachon futbolchining vakillari bilan bog'langan va transfer narxi kamida 50 million evro bo'lishi mumkinligi qayd etilgan.

Tyuramning “Nitstsa” bilan shartnomasi 2025 yilning 30 iyuniga qadar amal qiladi. Transfermarkt portali uni 40 million evroga baholamoqda.

O'tgan mavsumda u barcha musobaqalarda 48 ta o'yinda maydonga tushib, 2 ta gol urdi va 4 ta golli uzatmani amalga oshirdi.

Uning Frantsiya terma jamoasida bitta o'yini bor.