Mbappening shu yozda "Real"ga o'tmasligi ma'lum bo'lib bormoqda

Marca nashri xabariga ko'ra, Frantsiya terma jamoasi va "PSJ" klubi hujumchisi 24 yoshli Kilian Mbappe yozgi transferlar vaqtida "Real"ga o'tmaydi.

Manbaning xabariga ko'ra, "Qirollik klubi" futbolchi bilan kelasi yozda tekin transfer bo'yicha shartnoma imzolash uchun 2024 yilning qishida u bilan dastlabki shartnoma tuzishni rejalashtirgan.

Mbappe o'tgan mavsumda Parij safida barcha turnirlar doirasida 43 o'yinda maydonga tushib, 41 gol va 10 golga assistentlik qilgan.

Avvalroq, uning "Real"ga 2023 yilning yozida, "PSJ" bilan shartnomasi tugashiga bir yil qolganda o'tishi mumkinligi haqida ma'lumotlar paydo bo'lgandi.