"Roma" himoyachisi APLga o'tishi mumkin

"Roma" himoyachisi Rojer Ibanes A Seriyani Angliya Premer-ligasiga o'zgartirishi mumkin.

Corriere dello Sport nashri xabariga ko'ra, futbolchining xizmatlariga "Aston Villa" klubi qiziqish bildirmoqda.

Ingliz klubi rahbariyati 24 yoshli futbolchi borasida Rim klubiga rasmiy taklif yubormoqchi. "Bo'rilar" o'z futbolchisini 25-30 million evroga baholamoqda.

Braziliyalik futbolchi 2021 yilning yozidan buyon Rim jamoasida o'ynamoqda. Uning klub bilan shartnomasi 2025 yilning iyun oyi oxirigacha amal qiladi.

Italiya chempionatining so'nggi mavsumida Ibanes 33 ta o'yin o'tkazib, 3 ta gol urdi, 9 ta sariq kartochka oldi va bir marta maydondan chetlatildi.