«Atletiko»ning navbatdagi nishoni – Granit Jaka

“Arsenal” yarim himoyachisi Granit Jaka faoliyatini La Ligada davom ettirishi mumkin.

AS  nashrining ma'lumotiga qaraganda, “matraschilar” shveytsariyalik futbolchini katta ehtimol bilan “Atletiko”ni tark etishi kutilayotgan Rodrigoga o'rinbosar sifatida ko'rmoqda.

Biroq ayni damda “Atletiko”ning asosiy maqsadi “Real” yarim himoyachisi Markos Lorente. Bu transferni amalga oshirib bo'lgandan so'ng “Atletiko” bor e'tiborini Jakaga qaratmoqchi.

Ammo Jakani sotib olishda “Atletiko” bir qator muammolarga uchrashi mumkin. Chunki hozir Jaka “to'pchilar” safida asosiy tarkib futbochlisi hisoblanadi.

Uning transferiga “Arsenal” bosh murabbiyi Unai Emeri qarshi bo'lishi mumkin. Qolaversa Jakaning amaldagi shartnomasi to'rt yildan so'ng tugaydi.