"Yuventus" ikki nafar himoyachisini sotishni o'ylamoqda

"Yuventus" moliyaviy muammolar tufayli ish haqini engillashtirmoqchi.

Ikki himoyachilar - Leonardo Bonuchchi va Aleks Sandroning sotilishi "keksa sinora"ga 23 million evroni tejashga yordam berishi mumkin.

Tuttosport nashri xabariga ko'ra, har ikki futbolchiga Saudiya Arabistonidan takliflar bor. Sandroga Saudiya klublaridan tashqari Turkiya Superligasi vakillari ham qiziqish bildirmoqda.

Braziliyalik futbolchi ketish haqida jiddiy o'ylayotgan bo'lsa-da, Bonuchchi Evro-2024da ishtirok etish uchun kelasi yozgacha "Yuventus"da qolib, barcha takliflarni rad etmoqda. Ikkala futbolchining ham “Yuve” bilan shartnomasi 2023/24 yilgi mavsum oxirigacha tuzilgan.