"MYu" Onananing variantidan voz kechishi mumkin

"Manchester Yunayted" Andre Onana borasida "Inter" bilan murosaga kela olmayapti.

Kamerunlik darvozabonni "qizil iblislar" David de Xea vorisi sifatida ko'rmoqda. Ayrim ma'lumotlarga ko'ra, ingliz klubi Onana uchun taxminan 50 million evro to'lashga tayyor, biroq transfer shartlari haligacha kelishib olinmagan.

Mirror Sport nashri xabariga ko'ra, "Inter" moliyaviy feyr-pley cheklovlari tufayli "Manchester Yunayted" ko'tara olmaydigan summani so'ramoqda. Ehtimol, Erik ten Xag darvozabon lavozimiga yangi nomzod izlashiga to'g'ri keladi.

Eslatib o'tamiz, juma kuni "Manchester Yunayted"ning Andre Onanaga qiziqishini "Inter" bosh direktori Juzeppe Marotta tasdiqlagan edi.