"Fenerbaxche" "Atletiko" futbolchisini ijaraga olmoqchi

Madridning "Atletiko" klubi yarim himoyachisi Tomas Lemar faoliyatini Turkiyada davom ettirishi mumkin.

Frantsiyalik futbolchi o'tgan mavsumda har doim ham "matraschilar"ning asosiy tarkibiga kira olmadi, shuning uchun u yangi mavsumni boshqa joyda boshlashi mumkin.

Diario AS nashri xabariga ko'ra, 27 yoshli futbolchini "Fenerbaxche" o'z safiga qo'shib olmoqchi. Turk klubi bir yillik ijaraga berishni kutmoqda. Muzokaralar kelasi hafta boshlanishi kutilmoqda.

Tomas Lemar 2018 yilda “Monako”dan 72 million evro evaziga “Atletiko”ga o'tgan edi. Transfermarkt portali hujumkor yarim himoyachining hozirgi narxini 22 million evroga baholamoqda.