"MYu" e'tiborini boshqa darvozabonga qaratmoqda

Niderlandiya terma jamoasi va Rotterdamning "Feyenoord" klubi darvozaboni Jastin Beylo faoliyatini Angliya Premer-ligasida davom ettirish imkoniyatiga ega.

Goal.com portali xabariga ko'ra, ispaniyalik David de Xea bilan shartnomani uzaytira olmayotgan "MYu" e'tiborini boshqa darvozabonga qaratmoqda.

Avvalroq Milanning "Inter" klubi darvozaboni Andre Onana "mankunianliklar" safiga o'tishi mumkinligi haqida xabar berilgandi, biroq hozirda kelishuv buzilib ketish arafasida. Shu sababli “qizil iblislar” muqobil variantlarni izlay boshladi.

Niderlandiya chempionatining so'nggi mavsumida Beylo 25 ta o'yin o'tkazib, 19 ta gol o'tkazib yuborgan. Jastin 12 uchrashuvda darvozani daxlsiz saqlab qolgan.