Gyuler "Barselona" vakillari bilan muzokara olib bordi, lekin u "Real"ga o'tmoqchi

"Fenerbaxche" yarim himoyachisi Arda Gyuler faoliyatini "Real Madrid"da davom ettirishga umid qilmoqda.

Aynan “Barselona” va “Real Madrid” klublari 18 yoshli futbolchiga asosiy da'vogar sifatida ko'rilmoqda, u allaqachon Turkiya terma jamoasida o'ynaydi va o'z yosh toifasida Evropaning eng umidli futbolchilaridan biri sanaladi.

Jurnalist Yakup Chinarning yozishicha, Gyuler yaqinda "Barselona" a'zosi Deku bilan uchrashgan, biroq u "Real Madrid"da o'ynashni orzu qilgani uchun "ko'k-anorranglilar" safiga qo'shilish istiqboliga ishtiyoq bildirmagan. Madridliklar ham tovon puli 17,5 million evroga baholangan hujumkor yarim himoyachini sotib olish ustida ishlamoqda.