"Nyukasl" Tonalining transferini qachon e'lon qilishi ma'lum bo'ldi

Yarim himoyachi Sandro Tonali "Milan"ni "Nyukasl"ga almashtiradi.

O'tgan hafta klublar transfer bo'yicha kelishib oldilar, unga ko'ra "rossonerilar" bonuslar bilan birga taxminan 80 million evro ishlab oladi.

Calciomercato nashri xabariga ko'ra, transfer shanba kuni rasman tasdiqlanadi. Eslatib o'tamiz, 23 yoshli italiyalik futbolchining "Nyukasl" bilan shartnomasi 2028 yilning o'rtalariga qadar tuzilgan.

Sandro Tonali o'tgan mavsumdagi barcha musobaqalarda "Milan" safida 48 ta o'yinda maydonga tushdi. Yarim himoyachining hisobida ikkita gol va o'nta golli uzatma bor. Futbolchi 2020 yilda "Breshia"dan ko'chib o'tib, "Milan" sharafini himoya qilib kelayotgandi.