"Chelsi" sardori "Atletiko"ga o'tmoqda

"Chelsi"ning o'ng qanot himoyachisi Sezar Aspilikueta faoliyatini "Atletiko Madrid"da davom ettiradi.

“Matraschilar”ning 33 yoshli futbolchini qo'lga kiritish rejalari yaqinda ma'lum bo'ldi.

Insayder Fabritsio Romanoning so'zlariga ko'ra, tomonlar ikki yillik shartnoma bo'yicha to'liq kelishib olishgan. "Chelsi" o'z sardoriga kelasi yilga qadar tuzilgan shartnoma taklif qilganiga qaramay, erkin agent sifatida ketishga qaror qildi. Tez orada transfer rasman tasdiqlanadi.

Sezar Aspilikueta 2012 yilda Londonga ko'chib o'tganidan beri "Chelsi" safida 508 ta o'yinda maydonga tushib, 17 gol va 56 golga assistentlik qilgan.