"Chelsi" Moratani Iguainga almashtirmoqchi

“Chelsi” klubi “Yuventus” hujumchisi, ayni damda “Milan”da ijara asosida to'p surayotgan Gonsalo Iguainni tarkibiga qo'shib olmoqchi. “Sportmediaset” xabariga ko'ra, londonliklar argentinalik hujumchini Alvaro Morataga almashtirishmoqchi.

Ayni damda ikkita variant bor. Yoki “Milan” Iguainni to'liq sotib oladi va tomonlar o'z futbolchilarini to'liq almashtirishadi, yoki “Chelsi” Iguainni yarim yilga ijaraga oladi va Moratani ham ijaraga beradi. Keyin esa yozda “Yuventus” bilan muzokaralarga kirishadi.

Ta'kidlash kerakki, “Milan” agar Iguainni sotib olaman desa, 36 million evro to'lashi kerak, ammo klubning moliyaviy holati hozir bunga imkon bermaydi.