Deklan Rays transferi kechikadigan bo'ldi: "Arsenal" va "Vest Xem" to'lov uslubi borasida kelisha olmayapti

"Arsenal" va "Vest Xem" hali to'liq kelishuvga erishganicha yo'q. The Sun Football nashrining xabariga ko'ra, 24 yoshli yarim himoyachi borasida 105 millionlik taklif qabul qilinganiga qaramasdan, shartnoma borasida ayrim nuqsonli masalalar bor.

Xususan, "Vest Xem" raisi Devid Sullivan "Arsenal" tomonidan taklif etilayotgan to'lov uslubiga ko'ngli to'lamayapti. To'pchilar 100 million funtni besh yil davomida bo'lib to'lashni maqsad qilgan.

"Vest Xem" esa bu summa 18 oy ichida o'z ixtiyorida bo'lishini istaydi. Aynan mana shu masala muammoga aylangan. Bu hal etilmaguniga qadar, Deklan Raysning ko'chishi rasman e'lon qilinmaydi.