Kilian Mbappe uchun London klubi 120 million evro va bir futbolchi taklif etishga tayyor

"Chelsi" kutilmagan yurishni amalga oshirmoqchi. Xabarlarga ko'ra, "PSJ" hujumchisi Kilian Mbappe londonliklar tomonidan kuzatilmoqda.

Todd Boeli Frantsiya terma jamoasi a'zosi uchun katta mablag' ajratadi. Defensa Central bergan ma'lumotga ko'ra "Chelsi" 24 yoshli futbolchi evaziga 120 million evro va bitta futbolchidan voz kechishga tayyor.

"PSJ"ning o'zi Raxim Sterling, Mark Kukurelya va Kristian Pulishichdan istaganini tanlab oladi. Mbappe o'tgan mavsumda 41 ta golga mualliflik qilgan edi.