"Tottenxem" yangi darvozabon sotib olish arafasida turibdi

Italiyaning "Empoli" klubi darvozaboni Gulelmo Vikario "Tottenxem"ga o'tishni yakunlash arafasida.

Dushanba oqshomida insayder Fabritsio Romano o'zining ijtimoiy tarmoqlarida italiyalik darvozabon tibbiy ko'rikdan o'tish va "shporlar"ning yangi o'yinchisi bo'lish uchun Londonga etib kelganini ma'lum qildi.

Romanoning so'zlariga ko'ra, "Empoli" va "Tottenxem" o'rtasida kelishuv shu hafta e'lon qilinadi.

O'tgan mavsumda 26 yoshli darvozabon "Empoli" safida 32 ta rasmiy o'yinda maydonga tushib, 41 ta gol o'tkazib yuborgan.