Lautaro hamon "Chelsi"ning nishonida turibdi

“Inter” hujumchisi Lautaro Martines hamon “Chelsi”ning nishonida qolmoqda. Bu haqda jurnalist Ben Jeykobs xabar tarqatmoqda.

"Chelsi" argentinalik to'purar bilan shartnoma imzolamoqchi, shu sababli, "ko'klar" Lautaro Martinesni kuzatib borishmoqda. "Inter"ning fikricha, futbolchi sotilmaydi, ammo moliyaviy vaziyat tufayli klublar kelishuvga erishishi mumkin", - deb post qoldirdi Jeykobs.

Lautaro Martines avgust oyida 26 yoshga to'ladi. Transfermarkt portali argentinalik futbolchini 85 million evroga baholamoqda. 2022/2023 yilgi mavsumda Martines "Inter" safida 57 ta o'yin o'tkazib, 28 ta gol urdi va 11 ta golli uzatmani hamkorlariga berdi.