Eronlik hujumchi Saudiya Arabistoni chempionatiga o'tishdan bosh tortdi

“Portu”ning eronlik hujumchisi Mehdi Taremi professional faoliyatini Evropada davom ettirish niyatida.

Jurnalist Sasha Tavolerining yozishicha, “ajdarlar” hujumchisi faoliyatini Evropada davom ettirish istagi tufayli “Al-Hilol” jamoasi taklifini rad etgan.

Ma'lumotlarga ko'ra, "Marsel" futbolchiga asosiy da'vogar, shuningdek, eronlik futbolchiga "Lill" va "Milan" ham qiziqish bildirmoqda. "Portu" o'z hujumchisi uchun 15-20 million evroga sotishni rejalashtirmoqda.

Eslatib o'tamiz, Mehdi Taremi 2020 yildan buyon Portugaliya grandi tarkibida o'ynamoqda. O'tgan mavsumda uning 31 ta gol va 14 golli uzatmasi "ajdarlar"ga Portugaliya kubogi va mahalliy Liga kubogini qo'lga kiritishiga yordam berdi.