Morataga A Seriyadan taklif bor

Ko'rinishidan, Markus Tyuram uchun kurashdagi muvaffaqiyatsizlikdan so'ng, hujum chizig'ini kuchaytirishga umid qilayotgan "Milan" nafaqat Romelu Lukakuga qiziqish bildirmoqda, balki boshqa hujumchilarni ham kuzatmoqda.

Jurnalist Janluka di Martsioning xabar berishicha, "rossonerilar" "Vest Xem" hujumchisi Janluka Skamakka va “Atletiko” forvardi Alvaro Morata nomzodini ko'rib chiqmoqda.

Transfermarkt portali 30 yoshli Moratani 20 million evroga baholamoqda. 24 yoshli Skamakka esa 22 million evroga baholanmoqda.

Eslatib o'tamiz, "Milan" Italiya chempionatini to'rtinchi o'rinda yakunladi va Chempionlar ligasi guruh bosqichiga yo'llanma oldi.