"Napoli" hujumchisi Saudiya chempionatiga ko'chib o'tishga qarshi emas

"Napoli" hujumchisi Irving Losano tez orada faoliyatini Saudiya Arabistonida davom ettirishi mumkin.

Jurnalist Janluka di Martsioning yozishicha, mahalliy klublar meksikalik futbolchiga jiddiy qiziqish bildirmoqda.

Shuningdek, Losano qoniqarli moliyaviy sharoitga ega bo'lsa, Saudiya Arabistoniga ko'chib o'tishga qarshi emasligini ham qayd etadi. Meksikalik futbolchi allaqachon mavjud variantlarni faol ravishda o'rganmoqda.

Oxirgi kunlarda Losanoga Angliyaning “Aston Villa” klubi ham qiziqish bildirayotgan edi. O'tgan mavsumda Irving Italiya chempionatida 32 ta o'yin o'tkazib, 3 ta gol va golli uzatmaga mualliflik qilgan.