Lukaku Saudiyadan tushgan yana bir taklifga rad javob berdi

Belgiyalik hujumchi Romelu Lukaku Saudiya Arabistonidan ikkinchi taklif oldi, biroq darhol uni rad etdi. Bu haqda La Gazzetta dello Sport nashri xabar bermoqda.

Nomi oshkor etilmagan klub belgiyalik futbolchiga yiliga 30 million evro taklif qilgan, ammo hujumchini bu variant qiziqtirmagan. Lukaku 2026 yilgi jahon chempionatigacha Evropada o'ynashni davom ettirmoqchi.

Romelu o'tgan mavsumda “Inter” safida ijara asosida o'ynagandi. U 36 ta uchrashuvda qatnashib, 14 ta gol va 7 ta golli uzatmani amalga oshirgan. Hujumchining to'liq shartnomasi Londonning "Chelsi" klubiga tegishli.